Waziri Mchengerwa awaongoza Rais wa FIFA, nchi 58 kuitazama Royal Tour

 


Na John Mapepele, Arusha

Waziri wa Utamaduni, Sanaa na Michezo, usiku wa Agosti 10, 2022 amewaongoza viongozi wakuu wa nchi 58 wa mashirikisho ya Soka kuangalia Filamu ya Royal Tour jijini Arusha.

Mhe. Mchengerwa amewaongoza kutazama  filamu hiyo iliyochezwa na Rais wa Jamhuri ya Muungano wa Tanzania, Mhe. Samia  Suluhu Hassan ambayo imewavutia  wengi kuiangalia na kuomba kutembelea maeneo mbalimbali.

Tayari makundi matatu ya washiriki yamejitokeza kutembelea Hifadhi za Ngorongoro, Serengeti na Zanzibar kuanzia kesho Agosti 11, 2022.

Kundi hili la viongozi limewajumuisha takribani watu mia tano ambao ni washiriki wa mkutano mkuu wa Shirikisho la soka Barani Afrika (CAF) ambao wamemaliza mkutano wao wa siku mmoja uliofanyika katika kituo cha kimataifa cha  Mikutano cha Arusha.

Mhe.  Mchengerwa amewakaribisha washiriki wote kutembelea vivutio vya utalii ambavyo Tanzania imebarikiwa ambavyo havipatikani sehemu nyingi duniani.

Aidha, amewashukuru Rais wa Shirikisho la Soka Duniani (FIFA) na uongozi wa Shirikisho la Soka Barani Afrika (CAF) kwa ushauri wa kuitaka Tanzania kuandaa mashindano ya soka ya Afrika (AFCON) ya mwaka 2027 kwa kushirikiana  na Uganda.

Amesema Tanzania ipo tayari kushirikiana na Uganda kwa kuwa nchi zote mbili ni majirani na ndugu pia zimekuwa na mashirikiano ya karibu katika mambo mengi kwa muda mrefu. 



Ametumia nafasi hiyo kuwakaribisha FIFA wakati wowote wanapofikiria kufanya mikutano yao kuja kufanyia Tanzania kwa kuwa Tanzania ina kila hitaji muhimu ya mikutano.
Tukio hilo pia lilipambwa na msanii Ray Vanny ambaye aliwaburudisha  vilivyo  washiriki hali iliyomuinua Rais wa FIFA Gianni Infantino kuanza kucheza singeli.

Kikundi cha Wana star pia kiliwainua washiriki kwa shangwe kufuatia mtindo wao wa kucheza na nyoka  na mahadhi ya kiafrika zaidi.

Kwa nyakati tofauti Rais wa FIFA na CAF wameishukuru Serikali ya Tanzania kwa mapokezi na maandalizi mazuri ya mkutano huo na kuahidi kuendelea kushirikiana na Tanzania katika mihezo.


Comments

Post a Comment

Popular posts from this blog

RAIS SAMIA AWAPA SALAMU TEMBO WARRIORS, MHE. MCHENGERWA ATOA AHADI NONO WAKISHINDA

Image
  Waziri wa Utamaduni, Sanaa na Michezo Mhe. Mohamed Mchengerwa amesema Rais wa Jamhuri ya Muungano wa Tanzania Mhe. Samia Suluhu Hassan anaipongeza  Timu ya Taifa ya Tembo Warriors kwa kufuzu kombe la Dunia kwa watu wenye ulemavu linalotarajiwa kufunguliwa Septemba 30, 2022 na kuitaka kutanguliza uzalendo na kujituma ili warudi na Kombe nyumbani. Akizungumza kwa njia ya simu kupitia kwa Katibu Mkuu Dkt. Hassan Abbasi Waziri Mchengerwa amesema Serikali ya Tanzania ipo pamoja na wao katika kila hatua na ndio maana Rais ameridhia viongozi wa Wizara kuambatana nao katika fainali hizo. “Rais na Serikali yenu ipo pamoja na nyinyi, nendeni mkalipiganie Taifa, onesheni uzalendo na kuhakikisha mnarudi na Kimbe nchini na hiyo itakuwa ni zawadi kwake Mhe. Rais na Tanzania kwa ujumla”’ amefafanua Mhe. Mchengerwa. Aidha ameahidi zawadi nono kwa timu hiyo ikiwemo shilingi milioni 40 endapo watafuzu robo fainali, shilingi milioni 80 wakifuzu kucheza nusu fainali na shilingi milioni 100 waki...
Read more

Mhe. Mchengerwa awakabidhi kombe la UEFA mashabiki wa Real Madrid

Image
  Na John Mapepele Waziri wa Utamaduni, Sanaa na Michezo. Mhe, Mohamed Mchengerwa amewakabidhi kombe la UEFA mashabiki wa timu ya Real Madrid baada ya timu hiyo kutwaa ubingwa usiku wa kuamkia leo huku akisisitiza kuwa  Wizara yake itaendelea kuwa bunifu kwenye sekta za Utamaduni, Sanaa na Michezo ili kuwapa furaha watanzania. Mhe. Mchengerwa amesema hayo kwa wapenzi soka  katikati ya Daraja  la Tanzanite jijini Dar es Salaam kwenye tukio maalum la kuangalia mubashara fainali za UEFA lililoratibiwa na kampuni ya kinywaji cha  Heineken kwa  kushirikiana na Wizara  ya Utamaduni, Sanaa na Michezo usiku wa kuamkia leo. Katika fainali hii timu ya Real Madrid imeibuka bingwa wa  kombe la UEFA wa mwaka huu baada ya kuibamiza Liverpool bao moja katika kipindi cha pili cha mchezo. Ameongeza kuwa  sekta za Utamaduni, Sanaa na Michezo ndiyo nguvu shawishi za taifa lolote duniani. Amempongeza Rais wa Jamhuri ya Muungano wa Tanzania. Mhe, Samia Suluhu Has...
Read more

Waziri Mchengerwa azindua zoezi la kitaifa la kusaka na kuibua vipaji "mtaa Kwa mtaa."

Image
  Na John Mapepele Waziri wa Utamaduni,  Sanaa na Michezo, Mhe. Mohamed Mchengerwa leo Oktoba 16, 2022 amezindua  zoezi la  kitaifa la  kuibua na kusaka vipaji  vya Sanaa la "Mtaa kwa Mtaa" eneo la  Ikwiriri wilayani Rufiji, zoezi ambalo litafanyika nchi nzima. Akizindua zoezi hilo katika eneo la Ikwiriri, Mhe. Mchengerwa amesema eneo linalofuata baada ya uzinduzi wa leo ni Mkoa wa Arusha ambapo litafanyika kila mtaa ili kuibua vipaji kwenye sanaa. Amewataka watanzania  wenye vipaji vya Sanaa kujitokeza wakati wa zoezi hilo likiendelea  ili waweze kuendelezwa baada ya kuibuliwa, huku akisisitiza  kauli ya Kipaji chako ndiyo mtaji wako. "Ndugu zangu hii ni ndoto ya Mheshimiwa Rais wetu, Rais anatamani kuona misingi iliyowekwa na Baba wa Taifa, Mwalimu Nyerere ya kuthamini na kuendeleza Sanaa inaendelezwa ili kuwanufaisha vijana" amesisitiza,  Mhe. Mchengerwa   Amezitaka mamlaka za wilaya na mikoa kote nchini kusai...
Read more